O IV Taller sobre cultivo de linguado tivo lugar no Centro de Ciências do Mar da Universidade do Algarve en Faro (Portugal) durante os días 11, 12 e 13 de novembro de 2008.
O obxectivo principal deste taller foi a avaliación do estado de coñecemento actual e as necesidades futuras de investigación para o desenvolvemento e consolidación da industria de cultivo de linguado. Para iso, contouse coa participación de máis de 60 invitados procedentes de Europa e Asia nun formato que pretendeu maximizar a interacción entre a industria e o mundo académico.
A División de Acuicultura de Acuinuga estivo representada neste evento de grande importancia para a optimización do cultivo de linguado, tanto polo que respecta ao desenvolvemento de novas técnicas de produción como aos aspectos nutricionais (deseño de microdietas e dietas específicas para esta especie).